LEGO展示盒 展示櫃｜5MM亞加力膠厚板｜防塵
LEGO 砌好之後，最重要係搵一個啱尺寸、啱比例，又可以長期防塵嘅展示方式。
無論你收藏 Technic、Icons、Architecture、Ideas、Star Wars、Harry Potter、Ninjago，定係其他 LEGO 系列，展示盒都應該按完成作品尺寸同實際擺放位置去規劃。
LKS Display Box 提供香港訂製 LEGO 展示盒及 LEGO 展示櫃方案，採用 5MM 高清亞加力厚板及零入塵防塵設計，
可按你嘅 LEGO 完成尺寸製作，亦可加燈、背景、刻字、鏡面、趟門或磁石門。
以下案例可作尺寸、比例同配件方向參考。如果你已經有 LEGO 相片、尺寸或者擺放位置，可以直接 WhatsApp 查詢。
LEGO 展示盒案例參考
以下 LEGO 展示盒案例可作參考，包括唔同 LEGO 系列、尺寸比例、燈光及配件方向。每款展示盒都可以按你嘅 LEGO 完成尺寸、擺放位置同想要嘅展示效果再調整。
你可以先參考接近自己 LEGO 收藏嘅案例，再將作品相片、完成尺寸或者擺放位置 send 畀我哋查詢。未肯定尺寸點量，亦可以先睇量度尺寸教學。
Lego 10299
Real Madrid Santiago Bernabeu Stadium
內尺寸：W 55 × D 55 × H 30 cm
*配件可自己加配
此案例配件
上下燈
背景
白色刻字
趟門
Lego 10272
Old Trafford Manchester United
內尺寸：W 55 × D 44 × H 20 cm
*配件可自己加配
此案例配件
上下燈
彩色刻字
趟門
Lego 75252
Star Wars Imperial Star Destroyer
內尺寸：W 115 × D 71 × H 49 cm
*配件可自己加配
此案例配件
上燈
趟門
Lego 76405
Hogwarts Express™ – Collectors' Edition
內尺寸：W 120 × D 28 × H 34 cm
*配件可自己加配
此案例配件
趟門
想訂製 LEGO展示盒？先準備大概方向就可以
訂製 LEGO 展示盒唔需要一開始就有完整圖紙，只要先準備幾個基本方向，我哋就可以更快幫你判斷展示盒尺寸、配件同 LEGO 展示櫃方向。
LEGO 完成作品尺寸
可以先參考 LEGO 官方標示嘅完成作品尺寸，但訂製前最好都係砌好後自己再量一次。
量度時主要睇完成作品嘅：
長 CM｜深 CM｜高 CM
之後建議每邊預留大約 5–10cm 展示空間，避免 LEGO 太貼近亞加力板，睇落亦會舒服啲。
擺放位置尺寸
如果你已經知道展示盒會放喺邊度，可以量埋擺放位置嘅長、深、高，例如書櫃、層架、電視櫃或者房間角落。
咁樣可以一開始就知道展示盒最大可以做到幾大，亦方便判斷單個 LEGO 展示盒定 LEGO 展示櫃會更適合。
選擇配件
你可以先諗大概想唔想加燈、背景、刻字、鏡面、趟門或磁石門。
未肯定都唔緊要，可以先參考上面 LEGO 展示盒案例，或者用 3D 展示盒預覽先睇比例同配件方向。
如果你未量好尺寸，可以先睇量度尺寸教學；如果你想先睇大概比例，可以先試 3D 展示盒預覽工具。
有 LEGO 相片或者尺寸，就可以開始問
無論你想做單個 LEGO 展示盒，定係想規劃多件收藏用嘅 LEGO 展示櫃，只要有相片、大概尺寸或者擺放位置，就可以開始查詢。
想先睇比例同配件方向，可以用 3D 展示盒預覽；未識量尺寸，可以先睇量度尺寸教學；已經有大概想法，就直接 WhatsApp send 相片畀我哋。
常見問題
LEGO 展示盒尺寸應該點量？
可以先參考 LEGO 官方完成作品尺寸，但訂製前最好砌好後再量一次。主要量完成作品嘅長、深、高，再預留少量展示空間，避免 LEGO 太貼近亞加力板。
點解砌好後要再量一次？
因為實際擺法、展示角度、底座、配件同你想點樣放入展示盒，都可能影響最後尺寸。官方尺寸可以做參考，但實物量度會更穩陣。
LEGO 展示盒可以按尺寸訂製嗎？
可以。LKS 可以按你嘅 LEGO 完成尺寸、擺放位置同展示方向訂製展示盒，唔需要局限於現成尺寸。
LEGO 展示盒可以加燈或背景嗎？
可以。燈光可以令完成作品更有焦點，背景可以加強主題感。你可以按 LEGO 系列、作品風格同預算決定是否加配。
LEGO 展示盒適合用趟門嗎？
如果展示盒尺寸較大，或者你日後會取出 LEGO、調整位置或整理收藏，可以考慮趟門或磁石門，使用上會更方便。
多件 LEGO 收藏應該做展示盒定展示櫃？
單件 LEGO 可以做單個展示盒；如果有多件同系列收藏，或者之後會繼續增加 LEGO，可以考慮 LEGO 展示櫃。只要長度同深度一致，之後可以繼續加層，每層高度亦可以不同。