度身訂造展示盒｜香港訂製展示盒・疊高展示櫃方案
想幫模型整返個正式展示位，又唔想用現成尺寸夾硬遷就？
LKS 提供 香港度身訂造展示盒 方案，
你可以先由一個展示盒開始，之後再按收藏數量慢慢延伸成 疊高展示櫃。
全線採用 5MM 高清亞加力厚板，主打 零入塵設計，
並可按需要加配燈光、背景、刻字、趟門或磁石門。
如果你未肯定做邊個尺寸、加邊啲配件，
仲可以先用 3D 效果模型 預覽，再 WhatsApp 查詢。
世上沒有污糟Figures
只有懶的collectors
如果你屋企本身係開放式層架，或者模型越買越多，其實最明顯嘅問題通常唔係「冇位」，而係 積塵同難整理。
展示盒唔止係擺得靚，仲係幫你減少日常清潔麻煩。LKS 本身亦一直以 零入塵設計 作為主要定位之一。
好多客最初都係求其擺住先，但草落草落，問題就會開始出現：
現成盒尺寸唔啱，
擺得入但比例唔好睇。
開放式擺放容易積塵，
越多越唔想抹。
想整得有主題啲，
加燈、加背景、加刻字，但現成款做唔到
開頭只得一兩件，之後越買越多，
又唔知應唔應該直接換大櫃
由一個展示盒開始，之後可逐步疊高成展示櫃
LKS 嘅展示櫃，唔係一般一體式大櫃，而係 疊高展示櫃。
做法係先按你而家嘅收藏需要，訂造一個適合尺寸嘅展示盒；
之後如果你再買多模型，只要再做返 同樣長度、同樣深度 嘅展示盒，就可以一層一層疊上去，慢慢延伸成展示櫃。
呢個做法特別適合草 Figure、模型、公仔、Bearbrick、LEGO 或其他收藏嘅客，
因為你唔使一開始就一次過決定做幾大個櫃，可以按收藏數量、預算同屋企空間慢慢加。
長度同深度一致，高度可以按每件收藏去配
疊高展示櫃最重要嘅結構原則，係每個展示盒嘅 長度同深度必須一樣，
咁先可以穩定咁疊上去；
但 高度可以唔一樣，所以如果你有啲模型高啲、有啲矮啲，
都可以按實際需要配返唔同高度，整體睇落仍然整齊。
LKS 可提供咩訂製服務？
按模型尺寸訂製展示盒
如果你已經知道模型尺寸，或者知道想擺邊個位置，我哋可以按實際需要訂造展示盒，令收藏唔會太迫太鬆，比例睇落更順眼。若模型有武器、翅膀、底座或特別姿勢，都可以一開始講清楚。
由單個展示盒延伸成
疊高展示櫃
如果你而家未想一次過做大型展示櫃，可以先做一個展示盒。之後收藏增加，再做返相同長度、相同深度嘅展示盒，就可以一路向上疊高。呢種方式比一開始做固定大櫃更靈活，亦更方便按預算慢慢加。
點解唔少客會揀 LKS Display Box 做香港訂製展示盒？
5MM 高清亞加力厚板
全線展示盒及展示櫃採用 5MM 高清亞加力厚板。
厚板更穩固，亦係 LKS 一直保留嘅核心定位。
香港製造，
本地溝通更直接。
尺寸、配件、效果方向，有時差少少已經差好遠。
香港本地溝通會更易對清楚。
密封防塵設計，
減少日常清潔。
展示盒唔止係擺得靚，更重要係減少積塵。
對多模型擺放尤其實用。
可先 3D 預覽，再查詢
未肯定盒要幾大、配件點揀，
可以先試 3D 效果模型，再查詢更清楚。
度身訂造流程，其實可以好簡單
先確認尺寸
你可以提供模型尺寸、想擺放嘅位置，或者先睇量度尺寸教學，了解點樣量先最穩陣。
再決定展示方式
而家先做一個展示盒，定係一開始就用疊高展示櫃方向規劃，要視乎你而家收藏數量，同之後仲會唔會繼續加。
揀配件
按你想要嘅效果，加燈、背景、刻字、趟門、磁石門、鏡面或者樓梯。
預覽後再查詢
如果未完全肯定，可以先試 3D 效果模型，再 WhatsApp 查詢，成個方向會更清楚。
想睇實際款式？先由參考區揀方向
常見問題
展示盒同疊高展示櫃有咩分別？
展示盒係單個獨立訂製，適合先處理一件或者少量收藏；疊高展示櫃就係由多個長度同深度一致嘅展示盒向上疊高組合而成。你可以先買一個，之後再按需要慢慢加上去，而每層高度亦可以不同。
可唔可以先做展示盒，之後再擴展成展示櫃？
可以。只要之後再訂造返 同樣長度、同樣深度 嘅展示盒，就可以一路向上加，逐步變成疊高展示櫃。
我唔識量尺寸，點做先最穩陣？
可以先睇量度尺寸教學頁，了解模型長、闊、高點量；如果有武器、翅膀、底座或者特別動作，查詢時最好一齊講清楚。
配件係咪一定要加？
唔一定。基本展示盒已經可以做到保護同展示功能；燈光、背景、刻字、門款等配件，主要係按你想要嘅展示效果再加。
可以做到主題背景 / 刻字嗎？
可以。你可以按作品、角色或者展示風格，加背景同刻字，令成個展示效果更完整。
可唔可以先睇效果先再問？
可以。你可以先用 3D 效果模型頁試下尺寸同配件方向，再 WhatsApp 查詢會更清楚。